Vertu með

  • Rótarý er hreyfing fólks úr viðskipta- og atvinnulífi og opinberri þjónustu.
  • Rótarýhreyfingin er alþjóðafélagsskapur sem er starfandi í meira en 200 löndum í öllum heimsálfum.

Félagar eru rúmlega 1,2 milljónir í um 35 þúsund klúbbum.

Rotary Peace Fellows at the Rotary Peace Symposium, Rotary International Convention, 4 June 2015, Sao Paulo, Brazil.

Þessi alþjóðlegu samtök standa fyrir mannúðar- og menningarstarfi, stuðla að sem bestu siðgæði í öllum starfsgreinum og hvetja til góðvildar og friðar í heiminum. Til marks um það er opinbert kjörorð alþjóðahreyfingarinnar: „Þjónusta ofar eigin hag“.

  • Á Íslandi er 31 rótarýklúbbur með um 1300 félaga.

Í klúbbunum er lifandi starf og vikulegir fundir með fróðlegum fyrirlestrum og umræðu. Reynt er að hafa fulltrúa sem flestra atvinnugreina í hverjum klúbbi og koma klúbbfélagar með tillögur um nýja félaga. Félagar eru á öllum aldri og af báðum kynjum. Rótarýfélagi getur sótt rótarýfund hjá hvaða rótarýklúbbi sem er í heiminum.

Fjórpróf rótarýmanna

  1. Er það satt og rétt?
  2. Er það drengilegt?
  3. Eykur það velvild og vinarhug?
  4. Er það öllum til góðs?

Rótarý býður félögum sínum:

• félagsskap fólks með sameiginleg markmið.
• tækifæri til að þjóna samfélaginu, taka framförum í starfi og stuðla að vináttu milli þjóða.
• kynni af forystumönnum á öðrum sviðum atvinnulífsins.
• fjölbreytt og fræðandi fundarefni á  klúbbfundum.
• kunningsskap við rótarýmenn á fundum í öðrum klúbbum.

ÉG VIL VITA MEIRA