Tónlistarstyrkir Rótarý

Jóna G. Kolbrúnardóttir sópran, annar styrkþeganna 2018. Ljósm.: Guðni Gíslason

Tilgangur Tónlistarsjóðs Rótarý á Íslandi er að veita ungu tónlistarfólki sem skarað hefur fram úr á einhverju sviði tónlistar viðurkenningu í formi fjárstyrks til frekara náms. Styrkurinn er veittur í janúar á hátíðartónleikum Rótarý.

Árlega er veitt úr tónlistarsjóði Rótarý á Íslandi og skal umsóknum skilað til skrifstofu Rótarýumdæmisins, Suðurlandsbraut 54, 108 Reykjavík, netfang: rotary@rotary.is.

Í ár verður styrkurinn að upphæð 800 þúsund kr. og þurfa umsóknir að berast í síðasta lagi 1. október nk.

Ungir tónlistarflytjendur, sem stunda framhaldsnám við erlenda tónlistarháskóla og stefna á að gera tónlist að meginstarfi, geta sótt um styrkinn sem veittur er til frekara náms.

Fyrst var úthlutað úr sjóðnum á 100 ára afmæli Rótarýhreyfingarinnar á tónleikum í Salnum í Kópavogi þann 7. janúar 2005. Átján umsóknir voru þá um styrk úr tónlistarsjóðinum. Það var eindóma álit dómnefndar að Víkingur Heiðar Ólafsson, píanóleikari, hlyti fyrstu viðurkenninguna að upphæð 500 þúsund kr. til frekara náms.

  • Styrkirnir eru veittir til þeirra  sem hyggjast gera tónlist að framtíðarstarfi sínu.
  • Æskilegt er að umsækjendur séu komnir í mastersnám.
  • Allar upplýsingar um menntun og áfanga í tónlistarnámi þurfa að koma fram
  • Mjög gott er að láta tengil á nýjar upptökur af leik / söng fylgja.

Úthlutanir frá upphafi

  • 2018: Jóna G. Kolbrúnardóttir sópran og Hrafnhildur Marta Guðmundsdóttir sellóleikari.
  • 2017: Ísak Ríkharðsson fiðluleikari og Jóhann Kristinsson baritón.
  • 2016: Ásta Kristín Pjetursdóttir, víóluleikari, og Sigrún Björk Sævarsdóttir, sópransöngkona
  • 2015: Baldvin Oddsson trompetleikari og Sólveig Steinþórsdóttir fiðluleikari.
  • 2014: Lára Bryndís Eggertsdóttir orgelleikari
  • 2013: Fjölnir Ólafsson, barítónsöngvari, og Matthías Ingiberg Sigurðsson, klarínettuleikari og tónsmiður.
  • 2012: Andri Björn Róbertsson bassabarítónsöngvari og Hulda Jónsdóttir fiðluleikari.
  • 2011: Sólveig Thoroddsen Jónsdóttir hörpuleikari.
  • 2010: Herdís Anna Jónasdóttir sópran og Jóhann Már Nardeau trompetleikari.
  • 2009: Ögmundur Þór Jóhannesson gítarleikari.
  • 2008: Elfa Rún Kristinsdóttir fiðluleikari og Melkorka Ólafsdóttir flautuleikari.
  • 2007: Bragi Bergþórsson tenór
  • 2006: Ari Þór Vilhjálmsson fiðluleikari
  • 2005: Víkingur Heiðar Ólafsson, píanóleikari.