Dagsetningar sem vert er að muna

Umdæmisþing 12. og 13. október og Rótarýdagurinn 23. febrúar 2019

0
116
Umdæmisstjóraskipti. Garðar Eiríksson og Knútur Óskarsson á fundi hjá Rkl. Selfoss 11. júní sl.

Þegar Garðar Eiríksson tók við embætti umdæmisstjóra Rótarý hinn 25. júní sl. á Selfossi kom hann víða við í ræðu sinni en gerði hin alþjóðlegu verkefni hreyfingarinnar að sérstöku umfjöllunarefni.

Umdæmisstjóraskipti. Garðar Eiríksson og Knútur Óskarss.on á fundi hjá Rkl. Selfoss 25. júní sl.

„Í leiðtogaþjálfun RI í San Diego í janúar opnuðust augu mín betur fyrir því hversu mörgum og mikilvægum verkefnum Rótarý sinnir,“ sagði Garðar. „Þá varð mér ljós ekki síður,- þörfin, – öll þessi verkefni um heim allan, sem eru í sjálfu sér svo fjarlæg okkur, að við hreinlega skiljum ekki að ástandið skuli vera svona. –

Hvað veldur því að samfélög berast á banaspjótum og eyða ómældum fjárhæðum í stríðstól í stað þess að byggja upp heilnæm samfélög þar sem einstaklingar fá að njóta öryggis, menntunar og heilbrigðisþjónustu? Þjónustuverkefni Rótarý í 6 megináherslum hverfast um frið og stuðla að friði. Í þessum anda hef ég  ákveðið að umdæmið verði þátttakandi í alþjóðlegu verkefni, sem umdæmi í mörgum löndum koma að. Verkefnið lýtur að mæðra- og ungbarnavernd í Nepal og er stutt af Rótarýsjóðnum með Global Grant styrk.

Síðar í ræðu sinni vék Garðar að framhaldsumræðu sem verður um þessi mál og önnur:

„Rótarý hefur þýðingarmiklu hlutverki að gegna og á umdæmisþingi sem Rkl. Selfoss heldur 12. og 13. október n.k. hér á Hótel Selfossi, verður m.a. fjallað um þessi mál og önnur með þjóðþekktum fyrirlesurum. Rótarý leggur áherslu á að eiga samstarf við aðra, líknarfélög og fleiri sem vilja láta gott af sér leiða og ég hvet ykkur til að huga vel að slíku og þá með það i huga að láta rödd Rótarý heyrast og ekki síst í tengslum við Rótarýdaginn sem verður haldinn 23. febrúar 2019. Þennan dag eigum við að nýta til að koma jákvæðum skilaboðum á framfæri um Rótarý og afla nýrra félaga. – Það er eilíft verkefni.“

Myndir: Vilborg Eiríksdóttiir